Kirayə mənzillərə müraciət başladı » Median.Az - Bütün xəbərlər bir ünvanda
16:11 Respublika Hərbi Prokurorluğunda YENİ TƏYİNAT  |     15:54 DTX və DSX Azərbaycan-İran sərhədində əməliyyat keçirib  |     15:34 Hərbi qulluqçuların təhsillə əlaqədar sərəncamda olma müddətlərinə dəyişiklik edilir  |     15:27 Zərdabda yanğın törədən şəxs məsuliyyətə cəlb olundu  |     15:26 Ata həbsdə olan oğluna tərliyin içində narkotik keçirmək istədi  |     15:25 Zabitlərin ehtiyata buraxılma müddəti yeni qaydada müəyyənləşəcək  |     15:18 Məşhur general işdən azad edildi  |     13:29 Samuxda teplovoz yandı  |     13:21 İrandan Azərbaycana PUA ilə narkotik keçirilməsinin qarşısı alındı  |     13:16 Xırdalanda 19 yaşlı oğlan həmyaşıdını qətlə yetirdi  |     13:10 Tikilməkdə olan məktəb binasından oğurluq etdi  |     13:01 Qanunsuz saxlanılan silah-sursat aşkarlandı  |     12:56 Cinayətdə şübhəli bilinən 25 nəfər saxlanıldı  |     12:50 Hindistanda 20 sərnişin diri-diri yanaraq öldü  |     12:49 “Sədərək”dəki sahibkarlar nə istəyir? - VİDEO  |     12:27 Ermənistanda din xadimləri arasında həbslər davam edir  |     12:17 On bir il əvvəl arvadını öldürdü: Həbsdən çıxıb onunla münasibətlərindən şübhələndiyi kişini qətlə yetirdi  |     12:05 Ramiz Mehdiyevin ailə bankı ciddi zərər görüb  |     11:59 Bakıda istixanada güclü yanğın  |     11:58 Yasamalda mənzildə meyit tapılıb  |    

Kirayə mənzillərə müraciət başladı

İpoteka və Kredit Zəmanət Fondunun (Fond) “Elektron ipoteka və kredit zəmanət” sistemində (EİKZS) kirayə mənzil modulu üzrə bugünədək 6395 vətəndaş elektron kabinet yaradıb və onlardan 4824-ü elektron müraciətinin formalaşdırılmasını yekunlaşdırıb.

Bununla bağlı İpoteka və Kredit Zəmanət Fondu məlumat yayıb.

Müraciətini formalaşdırmış vətəndaşlardan 3498 nəfər müraciətini göndərib, bu müraciətlər şəffaf qaydada elektron sistem vasitəsi ilə növbəyə alınıb və hazırda proses davam edir. Növbəlilik barədə vətəndaşların elektron kabinetinə bildiriş göndərilib və SMS məlumat verilib.

Müraciətləri qeydə alınmış vətəndaşların elektron kabinetinə sistem vasitəsi ilə sənədlərin qəbulu tarixi və yeri barədə bildiriş yerləşdiriləcək və SMS məlumat veriləcək. Şəffaflığın və xidmətdə vətəndaş məmnuniyyətinin təmin edilməsi üçün sənədlərin qəbulu 10 mart 2020-ci il tarixindən başlamaqla növbəlilik əsasında Bakı 2 saylı “ASAN Kommunal” mərkəzində və Sumqayıt “ASAN xidmət” mərkəzində həyata keçiriləcək.

Müraciətləri qeydə alınmış vətəndaşlar yalnız bildirişdə qeyd olunan tarixdə sənədlərin qəbulu üçün “ASAN xidmət” mərkəzinə gəlməlidirlər.

Qeyd edək ki, bundan sonra kirayə mənzillərə müraciət zamanı vətəndaşlar EİKZS vasitəsilə elektron kabinetini yarada, müraciətlərini formalaşdıra və dərhal müraciət göndərə biləcəklər.

Onu da bildirmək lazımdır ki, vətəndaşların ödəniş qabiliyyətinin qiymətləndirilməsi elektron sistem vasitəsi ilə əldə olunan rəsmi məlumatlar əsasında Fondun açıq bəyan etdiyi meyarlar üzrə həyata keçiriləcək.

Belə ki, sənədləri qəbul edilmiş vətəndaşların müraciətinə Fond tərəfindən 5 iş günü ərzində baxılır, onların yaşı, kredit tarixçəsi və rəsmi gəlirləri əsasında kirayəyə yönəldəcəyi maksimal aylıq ödəniş məbləği və kirayə müqaviləsinin maksimal müddəti müəyyən edilir və bu barədə onların elektron kabinetinə bildiriş göndərilir. Bundan sonra həmin vətəndaşların EİKZS vasitəsilə ödəniş qabiliyyətlərinə uyğun yaşayış sahəsini seçmək imkanı yaranır.

İpoteka və Kredit Zəmanət Fondu kirayə mənzillərə dair vətəndaşların məlumatlandırılması, sənədlərin qəbulu, vətəndaşların ödəniş qabiliyyətinin qiymətləndirilməsi və yaşayış sahəsinin seçilməsi prosesinin gedişatı ilə bağlı bütün zəruri məlumatları mütəmadi olaraq ictimaiyyətə bundan sonra da ətraflı məlumat bildirəcək.

Kirayəçilərə dair tələblər, müraciətlərin qəbulu, onlara baxılması, yaşayış sahələrinin seçilməsi və rəsmiləşdirilməsi barədə ətraflı məlumatı Fondun internet səhifəsindən (www.mcgf.az), habelə “1549” Çağrı Mərkəzinə zəng etməklə, həmçinin EİKZS-dən istifadə ilə bağlı məlumatı EİKZS-də yerləşdirilmiş təlimatla tanış olmaqla əldə etmək mümkündür.

Eyni zamanda, vətəndaşlar Fond tərəfindən ilkin mərhələdə satmaq öhdəliyi ilə kirayəyə verilməsi nəzərdə tutulan yaşayış sahələrinin yerləşdiyi ərazi, sayı, sahəsi və digər məlumatlarla bu keçid vasitəsilə tanış ola bilərlər.скачать dle 11.3




Şahidi olduğunuz hadisələri çəkib bizə göndərin!




            1 670 04.03.20 19:18