Quba rayonunun Qarxun kəndində baş vermiş yanğın söndürülüb.

"Report"un verdiyi məlumata görə, 3 yaşayış evi, 7 mal tövləsi və 9 ot tayası yanıb.

Hadisə yerinə gələn Quba Rayon İcra Hakimiyyətinin başçısı Ziyəddin Əliyev bildirib ki, yaxın vaxtda evləri yanan ailələr üçün yeni evlər tikiləcək. Həmçinin sakinlər ərzaqla təmin olunacaq.

***

Quba Rayonunun Qarxun kəndində güclü qasırğa baş verib.

Hadisə zamanı üç ev tamamilə yanıb.

Baş verən güclü külək kənd sakinlərinin evlərinə zərər vurub. Ot tayalarında başlayan yanğın evlərə keçib. Hadisə yerinə iki helikopter cəlb edilib.

* * * *

Quba rayonun Qarxun kəndində baş verən yanğının qarşısının alınması istiqamətində tədbirlər görülür.

Bu barədə Oxu.Az-a Fövqəladə Hallar Nazirliyinin mətbuat xidmətindən məlumat verilib.

Bildirilib ki, rayon mərkəzindən 60 km məsafədə mürəkkəb relyefə və çətin keçilən yolları olan ərazidə ot tayası yanır:

“Yanğının yaxınlıqda yerləşən yaşayış evlərinə keçməsi ehtimalı olduğundan FHN Dövlət Yanğından Mühafizə Xidmətinin, Xüsusi Riskli Xilasetmə Xidmətinin, Şimal Regional Mərkəzin müvafiq qüvvələri və nazirliyin Aviasiya dəstəsinin iki helikopteri hadisə yerinə cəlb olunub”.скачать dle 11.3