Qəbələ rayonunda ağır yol-nəqliyyat hadisəsi baş verib.
Median.Az-ın report-a istinadən məlumatına görə, hadisə bu gün axşam saatlarında İsmayıllı-Qaraməryəm-Şəki avtomobil yolunun, rayonun Zarağan kəndi ərazisindən keçən hissəsində qeydə alınıb.
Belə ki, hərəkətdə olan “Toyota Corolla” markalı, 10-CV-976 dövlət qeydiyyat nişanlı avtomobil idarəetmədən çıxaraq yolun kənarındakı ağaca çırpılıb.
Qəza nəticəsində adı-soyadı hələlik bilinməyən sürücü ağır bədən xəsarətləri alıb. O, dərhal Qəbələ rayon Mərkəzi Xəstəxanasına çatdırılıb.
Hadisə nəticəsində avtomobil yararsız vəziyyətə düşüb. Faktla bağlı araşdırma aparılır.
Şahidi olduğunuz hadisələri çəkib bizə göndərin!
Son Əlavə