Göyçayda ağır yol-nəqliyyat hadisəsi zamanı xəsarət alan şəxslərin adları məlum olub.
Median.Az-ın APA-ya istinadən xəbərinə görə, bu gün axşam saatlarında Göyçayın Bığır kəndi ərazisində iki "VAZ 2107" markalı minik avtomobilinin toqquşması nəticəsində rayon sakinləri - 1964-cü il təvəllüdlü Abbasov Əmirşah Aslan oğlu, 1964-cü il təvəllüdlü Abbasova Qənimət Xəlil qızı, 1972-ci il təvəllüdlü Məmmədov Samir Sabir oğlu, 2007-ci il təvəllüdlü Seyidov Rövşən Əziz oğlu, 2004-cü il təvəllüdlü Məmmədzadə Elmir Samir oğlu və 1981-ci il təvəllüdlü Seyidov Əziz Vüsal oğlu müxtəlif dərəcəli bədən xəsarətləri alaraq Göyçay rayon Mərkəzi Xəstəxanasına çatdırılıb.
Yaralılardan ikisinin vəziyyəti ağır olduğu üçün Reanimasiya şöbəsinə yerləşdirilib.
***
Göyçayda yol-nəqliyyat hadisəsi baş verib.
Median.Az-ın APA-ya istinadən xəbərinə görə, hadisə bu gün saat 18:00 radələrində Bakı-Şamaxı-Yevlax yolunun 207-ci kilometrliyində, Göyçayın Bığır kəndi ərazisində qeydə alınıb. "VAZ 2107" markalı iki minik avtomobilinin toqquşması nəticəsində 5 nəfər xəsarət alıb.
Yaralılar Göyçay rayon Mərkəzi Xəstəxanasına çatdırılıb.
Faktla bağlı araşdırma aparılır.
Şahidi olduğunuz hadisələri çəkib bizə göndərin!
Son Əlavə