İtaliyanın Olbiya şəhərində 31 yaşlı azərbaycanlı saxlanılıb.
Bununla bağlı “Alguer” nəşri məlumat yayıb.
Bildirilib ki, saxlanılan şəxs sağlam bədənə xəsarət yetirməkdə və polis əməkdaşına hücum etməkdə ittiham edilir.
Məlumatlara görə, şəhərin mərkəzində azərbaycanlı spirtli içki qəbul etdikdən sonra 20 yaşlı afrikalı ilə dalaşıb və onu döyüb.
Bundan sonra afrikalı polisə şikayət edib və hüquq-mühafizə orqanlarının əməkdaşları azərbaycanlını saxlayıblar.
Saxlanılma zamanı o, polis əməkdaşlarının tələblərinə əməl etməkdən boyun qaçırıb və onlara hücum edib.
31 yaşlı azərbaycanlı məhkəmənin qərarı ilə həbs olunub.
Şahidi olduğunuz hadisələri çəkib bizə göndərin!
Son Əlavə