“Azərbaycan Beynəlxalq Bankı” ASC-nin (ABB) özəlləşdirilməsində irəliləyiş yoxdur.
Bu sözləri Azərbaycanın maliyyə naziri Samir Şərifov deyib. Nazir qeyd edib ki, buna səbəb investorların olmamasıdır.
S.Şərifov bildirib ki, hökumət 2019-ci ildə ABB-nin özəlləşdirilməsi üzrə işlərə başlayacaq. Onun sözlərinə görə, Avropa Yenidənqurma və İnkişaf Bankı ABB-nin özəlləşdirilməsinə maraq göstərir.
Məlumat üçün qeyd edək ki, “Azərbaycan Beynəlxalq Bankı” 1992-ci ildə yaradılıb və Azərbaycanın ən iri dövlət bankıdır. Əsas səhmdar kimi Maliyyə Nazirliyi tanınır.