Bakı Ağır Cinayətlər Məhkəməsində Ağcabədi rayon sakini Dinar Təhməzovun CM-nin 29, 120.2.2-ci (xuliqanlıq niyyəti ilə qəsdən adam öldürməyə cəhd) maddəsi ilə təqsirləndirilməsinə dair cinayət işi üzrə növbəti məhkəmə prosesi başa çatıb.
Median.Az xəbər verir ki, həyat yoldaşı ilə boşanan Dinar Təhməzov paytaxta uşaqlarını görmək üçün gələrkən, keçmiş baldızı Nuranə Fərzəliyeva ilə mübahisə edib. İnsident zamanı Təhməzov Fərzəliyevaya bıçaqla xəsarətlər yetirib. Xəstəxanaya çatdırılan zərərçəkmişin həyatını həkimlər xilas ediblər.
Məhkəmənin hökmü ilə təqsirləndirilən şəxs 14 il müddətinə azadlıqdan məhrumetmə cəzasına məhkum olunub.