Bakı Ağır Cinayətlər Məhkəməsində Bakı şəhər sakini Vahid Əsgərovun CM-nin 178.3.2-ci (dələduzluq, zərərçəkmiş şəxsə külli miqdarda ziyan vurmaqla törədildikdə) maddəsi ilə təqsirləndirilməsinə dair cinayət işi üzrə məhkəmə prosesi başa çatıb.
Median.Az xəbər verir ki, ittiham aktına əsasən, Vahid Əsgərov İran İslam Respublikası vətəndaşı Afşin Gəncəlizadənin etibarından sui-istifadə edərək, iş qurmaq məqsədi ilə
dələduzluq yolu ilə onun 130.000 manat pulunu ələ keçirib. Təqsirləndirilən şəxs zərərçəkmişin şikayəti əsasında saxlanılıb.
Məhkəmənin hökmü ilə təqsirləndirilən şəxs 10 il müddətinə azadlıqdan məhrumetmə cəzasına məhkum olunub.