Suraxanı ərazisində oğurluq törədən 6 nəfər saxlanılıb » Median.Az News Agency

Suraxanı ərazisində oğurluq törədən 6 nəfər saxlanılıb
Median.Az xəbər verir ki, Suraxanı RPİ 31-ci polis bölməsinin əməkdaşları tərəfindən sentyabrın 27-i gecə saat 3 radələrində Əmircan qəsəbəsindəki evlərin birinin həyətindən su mühərrikini oğurlamağa cəhd göstərən Bakı şəhər sakini, əvvəllər məhkum olunmuş Rəfael Hacıyev saxlanılıb. Aparılmış araşdırma zamanı onun daha 3 həyətyanı sahədən
su mühərrikləri oğurlaması müəyyən edilib.

Bundan başqa, Suraxanı RPİ 31-ci polis bölməsi əməkdaşlarının əməliyyat-axtarış tədbirləri nəticəsində bu il aprelin 9-dan iyulun 4-dək olan müddətdə, ümumilikdə 3 evdən qaz sayğacı, soyuducu mühərriki, kosmetik əşyalar oğurlayan Bakı şəhər sakini Şamo Məmmədov saxlanılıb.

DİN Kriminalistik Tədqiqatlar İdarəsi və Suraxanı RPİ 30-cu polis şöbəsi əməkdaşlarının birgə keçirdikləri əməliyyat-axtarış tədbirləri nəticəsində sentyabr ayı ərzində
1 evdən və 1 avtomobildən pul və məişət əşyaları oğurlayan Hövsan qəsəbə sakinləri Atamoğlan Cabbarov və Anar Quliyev saxlanılıblar.

Suraxanı RPİ 30-cu polis şöbəsinin əməkdaşları keçirdikləri əməliyyat-axtarış tədbirləri nəticəsində bu il mayın 22-də evlərin birindən DVD, televizor, noutbuk və 2 ədəd qızıl üzük oğurlayan Bakı şəhər sakinləri Elmir Qəmbərov və Aqşin Quliyev saxlanılıblar.

Faktlarla bağlı CM-nin 177.2.1 (oğurluq, qabaqcadan əlbir olan bir qrup şəxs tərəfindən törədildikdə), 177.2.2 (oğurluq, təkrar törədildikdə) və 177.2.3-cü (oğurluq, yaşayış sahəsinə qanunsuz daxil olmaqla törədildikdə) maddəsi ilə cinayət işləri başlanılıb.скачать dle 11.3


Нажмите на эту ссылку, чтобы прочитать новость на русском языке.


Şahidi olduğunuz hadisələri çəkib bizə göndərin!




          756 11.10.18 12:15