Median.Az xəbər verir ki, Neftçala RPŞ əməkdaşlarının keçirdikləri əməliyyat tədbirləri nəticəsində avqustun 12-də rayon ərazisindəki evin həyətindən 2 baş qoyun oğurlayan Xıllı qəsəbə sakinləri Raiq Qədirov, Cəlal Miriyev və Abbas Cəbrayılov saxlanılıblar.
Araşdırma zamanı məlum olub ki, Raiq Qədirov avqustun 17-də həmyerlisi Firuddin Qafarovla evdən 24.000 rubl , 50 manat, 2500 manat dəyərində qızıl əşyalar və mobil telefon oğurlayıblar. Keçirilmiş əməliyyat tədbiri nəticəsində F.Qafarov saxlanılıb.
Davam etdirilən araşdırma nəticəsində onun sentyabrın 1-də Xıllı qəsəbəsindəki evlərin birindən 27 manat və 1000 dollar, habelə həmyerlisi Əmanət Umudovla birgə aprelin 5-də daha bir evdən 360 manat və 500 dollar, 2350 manat dəyərində qızıl əşyalar oğurlaması müəyyən edilib.
Keçirilən əməliyyat tədbiri ilə Ə.Umudov saxlanılıb. Müəyyən edilib ki , bu il mayın 23-də o, rayon ərazisindəki evlərin birindən 1700 manat və 200 dollar, 5000 manat dəyərində qızıl əşyalar oğurlayıb.
RPŞ İstintaq bölməsində CM-nin 177.2.1 (oğurluq, qabaqcadan əlbir olan bir qrup şəxs tərəfindən törədildikdə), 177.2.2 (oğurluq, təkrar törədildikdə) və 177.2.3-cü (oğurluq, yaşayış sahəsinə qanunsuz olaraq daxil olmaqla törədildikdə) maddələri ilə cinayət işi başlanılıb.
Şahidi olduğunuz hadisələri çəkib bizə göndərin!
Son Əlavə