Artıq Ceyranbatan tam gücü ilə işləyir, Kür su təmizləyici qurğularının isə 80 faizi bərpa olunub.
Bu barədə “Azərsu”nun ictimaiyyətlə əlaqələr şöbəsinin rəisi Anar Cəbrayıllı Oxu.Az-a açıqlamasında deyib.
Onun sözlərinə görə, Oğuz-Qəbələ isə yaxın saatlarda qoşulacaq:
“Hazırda şəhərin bir çox ünvanında hidravlik rejim bərpa olunduqca su verilişi bərpa olunacaq. Günün sonuna kimi əhalinin su təchizatında stabillik yaradacağıq”.
* * * * *
Mingəçevir şəhərində məlum qəza su təchizatında da problemlər yaradıb. Kür və Ceyranbatandakı sutəmizləyici qurğularda suyun təmizlənməsi və ötürülməsi dayanıb.
Bunu “Azərsu” ASC-nin mətbuat xidmətinin rəhbəri Anar Cəbrayıllı deyib.
A.Cəbrayıllı bildirib ki, gün ərzində suyun verilişi tam bərpa ediləcək:
“Oğuz-Qəbələ-Bakı su kəməri də nasoslarla işləyən subarteziyan quyularla qidalandığı üçün, onun da fəaliyyətində fasilə yaranıb. Həmçinin şəhərdaxili nasoslar və anbarların da fəaliyyəti dayandırılmışdı.
İndi Ceyranbatanda tam rejimi bərpa etmişik. Kürdə yığım prosesini bərpa etmişik və tam rejimə keçmək üzrəyik. Oğuz-Qəbələ-Bakını da bu saatlarda qoşmağı planlaşdırırıq. Kürdən Bakıya gələn xəttin dolması 12 saata qədər vaxt aparır.
Hidravlik rejimin pozulmaması, sistemdə hava qalmaması və xəttin dağılmaması üçün xəttə su mərhələli şəkildə verilir”.
Şahidi olduğunuz hadisələri çəkib bizə göndərin!
Son Əlavə