Tanışını yandıranın cəzası dəyişmədi » Median.Az News Agency

Tanışını yandıranın cəzası dəyişmədi
Bakı Apellyasiya Məhkəməsində Bakı şəhər sakini Səbuhi Ağayevin CM-nin 29,120.2.2 (xuliqanlıq niyyəti ilə qəsdən adam öldürməyə cəhd) və 29,120.2.4-cü (xüsusi amansızlıqla qəsdən adam öldürməyə cəhd) maddələri ilə məhkum edilməsinə dair cinayət işi üzrə məhkəmə prosesi başa çatıb.

Ötən ilin oktyabr ayında Yasamal rayonunda aralarında baş vermiş mübahisə zamanı Səbuhi Ağayev tanışı Anar Muradovun üzərinə yanacaq tökərək, ona od vurub.

Yaralanan şəxs 5 saylı şəhər klinik xəstəxasına çatdırılıb, həkimlər onun həyatını xilas ediblər.

Cinayəti törədən Səbuhi Ağayev həmin gün Yasamal RPİ-nin əməkdaşları tərəfindən saxlanılıb. Məlum olub ki, o hadisə zamanı sərxoş vəziyyətdə olub. İş üzrə dindirilmiş Ağayev Muradovu öldürmək niyyəti ilə yandırmadığını bildirib.

Bakı Ağır Cinayətlər Məhkəməsinin hökmü ilə təqsirləndirilən şəxs 14 il müddətinə azadlıqdan məhrumetmə cəzasına məhkum olunub.

Məhkum hökmdən apellyasiya şikayəti verib.

Bakı Apellyasiya Məhkəməsi işin hallarını araşdıraraq, S.Ağayevin şikayətini təmin etməyib və birinci instansiya məhkəməsinin hökmünü dəyişdirilmədən saxlayıb.скачать dle 11.3





Bizi Telegram-da oxuyun. Azərbaycanın və dünyanın ən vacib xəbərləri




329 20.06.18 16:15