Azərbaycanda DƏHŞƏT - Yük maşınından yıxılan oğlanı maşın vurdu - VİDEO » Median.Az News Agency

Azərbaycanda DƏHŞƏT - Yük maşınından yıxılan oğlanı maşın vurdu - VİDEO
Astara sakini yük maşınından yıxılıb, arxadan gələn digər bir nəqliyyat vasitəsi isə onu vurub. APA TV-nin cənub bürosunun məlumatına görə, bədbəxt hadisə rayonun Siyəku kəndində baş verib.

Havalar istiləşdiyindən dağlıq ərazidə olan arı pətəklərini yük maşını ilə Aran zonasına aparan zaman avtomaşının yük yerində olan kənd sakini, 19 yaşlı Şabanov Elton Asəf oğlu ehtiyatsızlıqdan yıxılaraq yüngül xəsarət alıb. Bu zaman həmin yük avtomobilinin arxasınca hərəkətdə olan digər bir minik avtomobili isə E.Şabanovu vuraraq ona xəsarət yetirib.

Yaralı ağır vəziyyətlə Lənkəran Rayon Mərkəzi Xəstəxanasına yerləşdirilib. Açıq kəllə-beyin travması və digər xəsarətlər alan E.Şabanovun vəziyyəti ağır olduğundan Bakı şəhərindən həkim birqadası dəvət olunub.

Faktla bağlı araşdırma aparılır.скачать dle 11.3





Bizi Telegram-da oxuyun. Azərbaycanın və dünyanın ən vacib xəbərləri




358 13.06.18 14:44