Nənəsinin keçmişinə görə gənc qızı öldürdülər – Bakıda » Median.Az News Agency

Nənəsinin keçmişinə görə gənc qızı öldürdülər – Bakıda
Cəmiyyətdəki gənclərə qarşı olan bu vəhşiliyi hər kəs görsün. Mənim dünya gözəli bir xalam qızı vardı. Çox heyf ki, alçaq insanlar ücbatından indi gənc yaşında torpaq altındadır.

Bir oğlanı sevirdi. Çox mübarizədən sonra nişanlandılar, amma oğlanın anası evliliyə razı olmadı. Səbəb isə qızın ata nənəsinin keçmişi guya ‘təmiz’ deyilmiş. Nənəsinin keçmişdə yaşadıqları xalam qızının başında partladı. Yazıq qızın ölümünə səbəb oldu. Demək, ailələr arasında söz-söhbət o həddə çatdı ki, nişanı geri qaytardılar, amma qız və oğlan bir-birilərini sevdikləri üçün görüşürdü. Oğlan qızı çox sevirdi, dedi, gəl birlikdə qaçaq, kirayədə tutub evlənək. Qız razı oldu. Birlikdə qaçacaqdılar, amma qız çox çəkingən, qorxaq idi. Ən çox da qardaşından qorxurdu. Başladılar onu qorxutmağa, qınamağa. O, qədər sıxdılar, o qədər qınadılar ki, qız bir gecə özünü asıb öldürdü.

Qızı qınaq edənlər, "qardaşına-anana deyəcəyik” deyib hədələyənlər gəlib qızın ölüsündən üzr istədilər. Amma, bu üzr onu geri qaytardımı? Ona görə də xahiş edirəm keçmişdə yaşananlara görə kimsəni qınamayın, sevənləri ayırmayın. Çünki, bəziləri xalam qızı kimi zəiflik göstərib yaşamlarına son verə bilərlər. Sonrakı peşmançılığın isə heç bir faydası yoxdur". //azadqadin.azскачать dle 11.3






Bizi Telegram-da oxuyun. Azərbaycanın və dünyanın ən vacib xəbərləri




40 248 05.05.18 13:35