Bayram günləri Pirşağı qəbiristanlığına yaxınlarının məzarını ziyarətə gedənlər gördükləri mənzərədən şoka düşüblər. Pirşağı dəmiryolu stansiyasının qarşısından məzarlığa qədər ərazi zibilliyə çevrilib. Nəticədə qəbiristanlıq özü isə sahibsiz heyvanların məskəninə dönüb.
Bu barədə virtualaz.org saytına Pirşağı sakinləri məlumat veriblər. Onların sözlərinə görə, məzarların arasında uşaq bezindən tutmuş meyvə-tərəvəz qalıqlarına qədər hər cür tullantı olub. “Tullantılar vaxtlı-vaxtında daşınmır. Üstəlik yalnız yaxınlıqda yaşayanlar deyil, ətraf məhəllələrdən də bura zibil gətirib atırlar. Sahibsiz itlər isə tullantıları qəbiristanlıq ərazisinə daşıyır”,-sakinlər deyiblər.
Pirşağı dəmiryolu stansiyasının qarşısında zibillə yüklənmiş vaqonlar var. Dəmiryolu xətlərinin üzərinə də tullantılar atılıb. Yaxınlıqdan keçənlərdən zibillə yüklənmiş vaqonlar barədə suallarımıza cavab ala bilmədik. Bir çoxları artıq neçə ildir ərazinin ikinci “Balaxanı zibilxanası”na çevrildiyini dedi.
Bayram günlərində qəbiristanlığa gələnlər ərazini zibilliyi yandırmaqla təmizləyib. Amma stansiyanın ətrafı hələ də zibillikdir.
Şahidi olduğunuz hadisələri çəkib bizə göndərin!
Son Əlavə