Yazıçılar Birliyinin ləğv ediləcəyi barədə xəbərlər yayıldı » Median.Az Агентство новостей
Yazıçılar Birliyinin ləğv ediləcəyi barədə xəbərlər yayıldı
“Sahil” bağı ətrafında yerləşən Yazıçılar Birliyinin binasındakı “26” adlı kafenin fəaliyyəti dayandırılsa da, söz-söhbətlər səngimək bilmir.

Yazıçı Çingiz Abdullayev bir neçə gün bundan əvvəl adıçəkilən kafenin Yazıçılar Birliyi ilə heç bir əlaqəsinin olmadığını söyləmişdi. Lakin mətbuatda dərc edilən sənəddə kafenin Yazıçılar Birliyinə aiddiyatı olduğu bəlli olub.

Belə ki, məkanın icarəyə verilməsi haqqında müqavilə icarədar Ramil Ruslan oğlu Məmmədli ilə Yazıçılar Birliyinin katibi Çingiz Abdullayev arasında bağlanıb. Tərəflər müqaviləyə öz şərt və tələblərini də əlavə edərək imza adıblar. Bu müqaviləyə görə, icarədar hər ay müqavilə tərəfdaşına – Yazıçılar Birliyinə 8 min manat pul ödəyirmiş.
Görünən odur ki, kafe ətrafında baş verənlərlə bağlı Yazıçılar Birliyinin də başı dərddədir.

Modern.az yazır ki, gəzən söz-söhbətə görə, olay Azərbaycan Yazıçılar Birliyinin (AYB) ləğv olunmasına gətirib çıxaracaq.

AYB-nin mətbuat katibi Xəyal Rza məsələ ilə bağlı bunları deyib:

“Hazırda AYB-də məsələ ilə bağlı iclas başlayıb. Hardasa günorta saatlarında bu barədə bəyanat veriləcək. Bəyanatı mətbuata yayacağıq. O zaman Yazıçılar Birliyinin bağlanıb-bağlanmayacağı barədə cavabı həmin bəyanatda tapacaqsınız. İndi heç nə deyə bilmərik”.скачать dle 11.3








1 091 12.09.17 15:13