5 nəfərin ölümünə səbəb olan sürücünün qardaşı danışdı » Median.Az - Bütün xəbərlər bir ünvanda
23:59 ABŞ-dan Ukraynaya növbəti yardım paketi daxil olub  |     23:34 Mədəniyyət Nazirliyi Canəli Əkbərovun ölümü ilə bağlı nekroloq yayıb  |     23:26 COVID-19 pasportu olmayan mərasim yerlərinə polisin naryad qrupları cəlb edilib  |     23:15 BMT Efiopiyaya humanitar reysləri dayandırıb  |     23:06 Peyvənd olunmaq üçün günün ən münasib vaxtı müəyyənləşib  |     22:53 Şəmkirdə parkda bıçaqlanma olub  |     22:44 Xalq artisti Canəli Əkbərov vəfat edib  |     22:37 Zəngilanın iqtisadi və turizm baxımından böyük potensialı var - ŞƏRH  |     22:30 Danimarkanın Vestas şirkəti dünyanın ən iri və ən güclü külək turbinini inşa edir  |     22:21 ÜST-dən ölkələrə ÇAĞIRIŞ  |     22:15 Yevlaxda ağır qəza, yaralılar var - FOTO  |     22:07 Baş Prokurorluq: “Bakıda idmançının zalda ölümü ilə bağlı araşdırma aparılır”  |     21:58 Telman İsmayılov Monteneqrodan siyasi sığınacaq alıb  |     21:50 Daha bir idmançımız Dünya Çempionu oldu  |     21:41 Qrip və kovidə qarşı bir vaksin hazırlanır - Korfluvek  |     21:36 Avropanın ən borclu dövlətləri məlum oldu  |     21:30 Bill Qeyts Türkiyədəki super yaxtada istirahət etdi – FOTO  |     21:25 Avropanın ən borclu dövlətləri məlum oldu  |     21:22 BMT Efiopiyaya humanitar reysləri dayandırıb  |     21:16 Siyəzəndə bıçaqlanma olub, xəsarət alan var  |    

5 nəfərin ölümünə səbəb olan sürücünün qardaşı danışdı
Xəbər verdiyimiz kimi, bu gün səhər saatlarında Hava limanı-Mərdəkan yolunun Suraxanı dairəsində ağır-yol nəqliyyat hadisəsi baş verib. Bakı şəhər sakini Mahmud Əzizov idarə etdiyi "Mercedes" markalı yük avtomobili ilə paytaxt sakini Tahir Abdullayevin idarə etdiyi "Daewoo" markalı sərnişin avtobusunu vurub. Qəza nəticəsində 5 nəfər ölüb, 25 nəfər yaralanıb.

Median.Az
xəbər verir ki, Mahmud Əzizovun qardaşı Rəhim Əzizli hadisə ilə bağlı "qafqazinfo"ya danışıb.

R.Əzizli bildirib ki, qardaşı ikinci kurs tələbəsidir və bütün sənədləri qaydasında olub:

"Qardaşımın sənədləri qaydasında idi. BC kateqoriyası üzrə sürücülük vəsiqəsi var. Qardaşım 2-ci kurs tələbəsidir. Evdə olan günlər işləyirdi, yol xərcliyini çıxarırdı. Qardaşım elə dərsə tələsirdi ki, gəlib çatsın. Avtobus da çıxıb qarşısına. Yük maşınını evə qoyub günorta dərsə gedəcəkdi".

Qardaşı iddia edir ki, 19 yaşlı Mahmud yolda sürət həddini aşmayıb və avtobus onun qarşısına çıxıb:

"Qardaşım yuxulu olmayıb. Avtobus 120 km/saatlıq sol zolaqdan qəfildən qardaşımın yoluna çıxıb. Qardaşım orta zolaqla hərəkətdə olub. O da sola çəkmək istəyəndə avtobusu arxadan vurub. Bununla bağlı video-sübutlarımız yoxdur. Mən avtobus sürücüsünü birbaşa günahlandırmıram. Ancaq hadisə belə olub. Avtobus sürücüsü sol zolaqdan bunun qarşısına keçib. Günahın 70-80%-i ondadır. Qardaşım yolda normal sürətdə gedib".

Qeyd edək ki, Bakı Nəqliyyat Agentliyindən verilən məlumata görə, hadisə yük avtomobili sürücüsünün sükan arxasında yuxulaması səbəbindən baş verib. Belə ki, sürücü yuxuladığından avtomobil idarəetmədən çıxaraq avtobusa dəyib. Nəticədə avtobus da aşıb. Hadisənin necə baş verməsi ilə bağlı hələ ki heç bir görüntü yayılmayıb.

Dövlət Avtomobil Nəqliyyatı Xidmətindən isə bildirilib ki, yük avtomobilinin sürücüsü heç bir qanuni əsas olmadan fəaliyyət göstərib.

Faktla bağlı Suraxanı Rayon Polis İdarəsində Cinayət Məcəlləsinin 263.3-cü (ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanılıb. Hadisəni törətməkdə şübhəli bilinən yük avtomobilinin sürücüsü M.Əzizov həbs edilib.скачать dle 11.3





Şahidi olduğunuz hadisələri çəkib bizə göndərin!




            168 13.10.21 23:25