Pakistan Senatının sədri: "Azərbaycanın qələbəsi bizim qələbəmizdir" » Median.Az - Bütün xəbərlər bir ünvanda
23:59 ABŞ-dan Ukraynaya növbəti yardım paketi daxil olub  |     23:34 Mədəniyyət Nazirliyi Canəli Əkbərovun ölümü ilə bağlı nekroloq yayıb  |     23:26 COVID-19 pasportu olmayan mərasim yerlərinə polisin naryad qrupları cəlb edilib  |     23:15 BMT Efiopiyaya humanitar reysləri dayandırıb  |     23:06 Peyvənd olunmaq üçün günün ən münasib vaxtı müəyyənləşib  |     22:53 Şəmkirdə parkda bıçaqlanma olub  |     22:44 Xalq artisti Canəli Əkbərov vəfat edib  |     22:37 Zəngilanın iqtisadi və turizm baxımından böyük potensialı var - ŞƏRH  |     22:30 Danimarkanın Vestas şirkəti dünyanın ən iri və ən güclü külək turbinini inşa edir  |     22:21 ÜST-dən ölkələrə ÇAĞIRIŞ  |     22:15 Yevlaxda ağır qəza, yaralılar var - FOTO  |     22:07 Baş Prokurorluq: “Bakıda idmançının zalda ölümü ilə bağlı araşdırma aparılır”  |     21:58 Telman İsmayılov Monteneqrodan siyasi sığınacaq alıb  |     21:50 Daha bir idmançımız Dünya Çempionu oldu  |     21:41 Qrip və kovidə qarşı bir vaksin hazırlanır - Korfluvek  |     21:36 Avropanın ən borclu dövlətləri məlum oldu  |     21:30 Bill Qeyts Türkiyədəki super yaxtada istirahət etdi – FOTO  |     21:25 Avropanın ən borclu dövlətləri məlum oldu  |     21:22 BMT Efiopiyaya humanitar reysləri dayandırıb  |     21:16 Siyəzəndə bıçaqlanma olub, xəsarət alan var  |    

Pakistan Senatının sədri: "Azərbaycanın qələbəsi bizim qələbəmizdir"
Azərbaycanın Pakistan İslam Respublikasındakı səfiri Xəzər Fərhadov Pakistan İslam Respublikası Senatının sədri Məhəmməd Sadiq Sancrani ilə görüşüb.

Bu barədə Azərbaycanın Pakistandakı səfirliyindən məlumat verilib.

Səfir Xəzər Fərhadov qəbula görə Pakistan Senatının sədrinə təşəkkür edib və iki qardaş ölkə - Azərbaycan və Pakistan arasındakı səmimi əlaqələrdən söhbət açıb. Xəzər Fərhadov Pakistana səfir təyin olunmasından və rəsmi fəaliyyətə başlamasından şərəf hissi duyduğunu bildirərək, ölkələrimiz arasındakı münasibətlərin yüksək səviyyədə olduğunu məmnunluqla qeyd edib. O, Azərbaycan və Pakistan arasındakı münasibətlərin cari vəziyyətinin yüksək olmasında hər iki ölkə rəhbərliyinin rolunu xüsusi vurğulayıb.

Xəzər Fərhadov Azərbaycan və Pakistanın bir-birini həm ikitərəfli, həm də beynəlxalq müstəvidə dəstəklədiyini qeyd edərək, Vətən Müharibəsi dövründə Pakistanın, o cümlədən ölkə Senatının Azərbaycana göstərdiyi siyasi və mənəvi dəstəyi yüksək qiymətləndirib və dərin təşəkkürünü ifadə edib. Səfir Azərbaycan və Pakistan parlamentləri arasında yüksək səviyyəli əlaqələrin iki ölkə arasında əməkdaşlığın hərtərəfli inkişafına xüsusi töhfəsinə vurğulayıb.

O, eyni zamanda ölkələrimiz arasında fəaliyyət göstərən hökumətlərarası birgə komissiyanın, ticarət və kənd təsərrüfatı sahələri üzrə işçi qruplarının fəaliyyətindən söhbət açaraq təhsil, səhiyyə, İT və enerji kimi sahələrdə də işçi qruplarının yaradılmasının vacibliyini bildirib. Xəzər Fərhadov ölkələrimiz arasında iqtisadi-ticarət əlaqələrin daha da inkişaf etdirilməsi istiqamətində atılan addımlar və mövcud geniş potensiallar barədə məlumatları diqqətə çatdırıb.

Pakistan Senatının sədri Məhəmməd Sadiq Sancrani səfir Xəzər Fərhadovu təyinatı münasibətilə təbrik edərək ona yeni fəaliyyətində uğurlar arzulayıb.

Məhəmməd Sadiq Sancrani, Senat və onun fəaliyyəti haqqında ətraflı məlumatları diqqətə çatdıraraq, Pakistan Senatının Azərbaycan Respublikasının Milli Məclisi ilə əməkdaşlıq əlaqələrindən bəhs edib.

Ölkəmizin Vətən Müharibəsindən söhbət açan sədr, Azərbaycanın qələbəsinin Pakistanın qələbəsi olduğunu xüsusi vurğulayıb. Məhəmməd Sadiq Sancrani iki qardaş ölkə arasındakı yüksək səviyyəli əlaqələrdən məmnunluğunu ifadə edib və bütün sahələrdə, xüsusilə iqtisadi-ticarət sahəsi üzrə əməkdaşlığın daha da gücləndirilməsi vacibliyini və bu istiqamətdə Pakistan Senatının lazımi bütün köməkliyi göstərəcəyini əminliklə ifadə edib.

Eyni zamanda Azərbaycan-Pakistan-Türkiyə üçtərəfli əməkdaşlıq formatının gücləndirilməsinin əhəmiyyəti barədə də fikir mübadiləsi aparılıb.скачать dle 11.3





Şahidi olduğunuz hadisələri çəkib bizə göndərin!




            126 22.09.21 20:47